आईं जाईं खाईं पीहीं / कवि - जितेंद्र कुमार

ग़ज़ल 

   ( मुख्य पेज (बेजोड़ इंडिया) / ब्लॉग में शामिल होईं / बिहारी धमाका  /  हर 12 घंटा पर देख लीहS -  FB+ Bejod )

आईं जाईं खाईं पीहीं

फाटल आतम-कापड़ सीहीं

जात-धरम एहीजे तकले

ढाई आखर लीहीं-दीहीं

जिनिगी बा अनमोल रतन-धन

गूढ़ मरम जल्दी चीन्हीं

आइल बा अइसन काल-गरल

नफ़रत छोड़ीं सुख से जीहीं

ढेर ज़हर घोराइल बाटे

शंकर बनके बिख सभ पीहीं.

....

कवि - जितेन्द्र कुमार

पता - आरा (बिहार)

कवि के ईमेल आईडी -jitendrakumarara46@gmail.com

Edit contact

मो.नं. 7979011585

प्रतिक्रिया खातिर ई ब्लाग के आईडी - editorbejodindia@gmail.com

पहिले वाला गांव / कवि - जितेंद्र कुमार

गीत 

   ( मुख्य पेज (बेजोड़ इंडिया) / ब्लॉग में शामिल होईं / बिहारी धमाका  /  हर 12 घंटा पर देख लीहS -  FB+ Bejod )

पहिले वाला गाँव के, कहाँ कवनो निसान

हर-बैल के बीतल जुग, लउके ना खरिहान

नाधा-जोती का भइल, अब के चिन्ही मेह

जुआठो इतिहास भइल, खतम गाँव में नेह

दंवरी, मेह, खरिहान के ना भइल विहान

नएका खेती मरलक, कलमदान के जान

निहाई धइलक कबाड़ ,बा कुदार बेधार

कहाँ लउकी भाथी अब,लोहार लोहसार

हार्वेस्टर के कटनी, करे पुअरा जिआन

का चबइहें गरु-डांगर, बा किसान हलकान

बाँचल बैल ना खूँटा, शहर गइल चरवाह

गाँव के शब्दकोश से, निकल गइल हरवाह

नदी के पेट में रेत, अब के जाला खेत

रतनधन मिलल बा रेत, महादशा में खेत

कतहीं भईयारी ना, कहाँ बा राग-रंग

अंतर से फाटल गाँव, केहु ना केहु संग

शराबबंदी के दौर, आ नशा बा अथाह

खलीहा पाउच फेंकल, सगरे राहे राह.

.....

कवि - जितेन्द्र कुमार

पता - आरा

मो.नं. 7979011585